«Финпол» кылмыштуу топтун мүчөсүнүн телефон аркылуу сүйлөшкөн аудио жазуусун жарыялады (видео)

ЭКККМКнын кызматкерлери өтө жооптуу отчеттук бланкаларды - НДС счет-фактураларын ири өлчөмдө саткан кылмыштуу топту аныктаган. Алар  ар кандай ЖЧКдун товарсыз бланкаларын сатып жүрүшкөн.

Үстүбүздөгү жылдын 30-январында контролдук сатып алуунун жүрүшүндө 10 млн. сом өлчөмүндөгү күйүүчү май жана курулуш материалдарынын счет-фактураларын 300 миң сомго сатып жаткан жеринен «Б.А.» аттуу жаран кармалган.

Аталган кылмыштуу топ абийирсиз ишкерлерге ар кандай ЖЧКлардын товарсыз бланкаларын анда көрсөтүлгөн сумманын 3 пайызынан 5 пайызга чейинки акчага сатып келгени аныкталган. Муну менен ишкерлер салык төлөөдөн качып, мамлекетке ири өлчөмдө зыян алып келишкен.

Бишкек шаарынын Биринчи май райондук соту тарабынан кармалган шектүүгө 2020-жылдын 30-мартына чейин №1-СИЗОдо кармоо баш коргоо чарасы тандалган. Учурда бул кылмышка тиешеси барларды аныктоо боюнча иш-чаралар жүрүүдө. 

ЭКККМКнын басма сөз кызматы

Фото www