Аскер прокуратурасы УКМКнын Бишкектеги мурдагы жетекчисин кармады
Ал экс-вице-мэр Азиз Алымкуловдун ишине келип, кызмат абалынан кыянаттык менен пайдаланган деп шектелүүдө
УКМКнын Бишкек шаардык башкармалыгынын экс-башчысы Нурлан Дүйшекеев кармалды. Бул тууралуу Vesti.kg сайтына Башкы прокуратуранын басма сөз кызматы билдирди.
Көзөмөлдөөчү органдын айтымында, ал Бишкек шаарынын камакка алынган экс-вице-мэри Азиз Алымкуловдун ишине катышып жатат. Мурдагы коопсуздук кызматкери кызмат абалынан кыянаттык менен пайдаланган деп шектелүүдө.
Бирок башкы көзөмөл органында ММКларда тараган маалымат азырынча жок, ага ылайык, Дүйшекеев буга чейин Бишкектеги СИЗО-1ге отургузулган.
Эске салсак, ушул жылдын март айынын аягында экс-вице-мэр Азиз Алымкулов Аскер прокуратурасы тарабынан кармалган. Ага кызмат абалынан кыянаттык менен пайдаланган деген айып тагылууда - ал мэриянын кызматкерлерине кысым көрсөтүп, аффилирленген адамдарга жер тилкелерин мыйзамсыз каттоону суранган.
Апрелдин башында ал Бишкектеги СИЗО-1ге жайгаштырылган.
Эльдос Казыбеков
Фото www