"Тогуз-Торо хоккей лигасы" турниринин жеңүүчүлөрү аныкталды (фото, видео)

Мектеп окуучулары арасындагы «Тогуз-Торо хоккей лигасы» турнири жыйынтыкталды. Жаш чемпиондор жана байге ээлери аныкталды.


 
Турнирдин уюштуруучусу Турдалы Аскарбеков Vesti.kg сайтына курган маегинде Тогуз-Торо районунда көп жылдардан бери балдар спортун өнүктүрүү жана өсүп келе жаткан муундун ден соолугун чыңдоо маселеси приоритеттүү эмес деп нааразы болду.
 
«Көп жылдардан бери балдар спортун өнүктүрүү жана балдардын ден соолугун чыңдоо маселеси приоритеттүү эмес», - деди ал. «Бизге жыл сайын муз тебүүчү аянтча үчүн жер тилкесин бөлүп берүүнү убадалашат, бирок аткарышпайт. Биз өзүбүздүн сметаны түзүп, райондук администрацияга, айыл өкмөткө бергенбиз. Былтыр бизге кымбат экенин айтышкан.


 
Ал арада хоккей мелдешинин уюштуруучусу балдар үчүн муз аянтчасын өз каражатына курууга даяр меценаттар тууралуу айтып берди.
 
«Улан Озгонбаев биз турнир өткөргөн үйүнүн короосуна жасалма муз тебүүчү аянтча жасап берген», - деп улантты Аскарбеков. - Мындан тышкары ал конькилерди бекер берди, анткени бардык эле балдарда жок. Андан сырткары балдар командаларына акчалай сыйлыктарды бөлгөн. Ал үчүн жер тилкеси бөлүнүп берилсе, өз каражатына муз аянтчасын курууга даяр. Тилекке каршы, аянтчалар курулуштун башка түрлөрүнө арналып, балдар спортун өнүктүрүү, өсүп келе жаткан муундун ден соолугун чыңдоо биринчи орунда эмес.


 
Хоккей боюнча жеңүүчүлөр:
 
1-орун - Макмалдын командасы;

2-орун - Макмал орто мектебинин командасы;

3-орун - Казарман орто мектебинин командасы.


 
Эске сала кетсек, буга чейин Тогуз-Торо районунун акиминин орун басары Гүлжамал Султангазиева Vesti.kg сайтына жаш спортчулар үчүн муз аянтчасын куруу 2022-жылдын иш планына киргизилгендигин билдирген.