ЖКнын депутаттары мугалимдерди кемсинткендерге айып пул салуу боюнча мыйзам долбооруна добуш беришти (фото)

Бир күн мурун Жогорку Кеңештин жыйынында депутаттар “Кыргыз Республикасынын Жоруктар жөнүндө кодексине өзгөртүүлөрдү киргизүү тууралуу” мыйзам долбоорун биринчи окууда карашты. Мыйзам долбоору сыйлабастык үчүн жоопкерчиликти белгилөө максатында иштелип чыккан жана мугалимдерди кемсинткендиги үчүн ата-энелерге жана жашы жете электерге айыппул салуу жана административдик камакка алуу каралган.

Шайлоонун жыйынтыгын депутат Дастан Бекешев Twitter баракчасына жарыялады.

ЖКнын жыйынына 75 эл өкүлү катталган. Макул – 63, каршы – 10, добуш берген жок – 2 депутат.

Мыйзам долбоорунун кабыл алынышына Дастан Бекешев өзү каршы добуш берди.

Эске салсак, мыйзам долбоору мугалимдерди сыйлабастык жана мазактоо үчүн жоопкерчиликти белгилөө максатында иштелип чыккан. Биринчи жолу мыйзам бузганды 3 миң сом (12 жаштан 16 жашка чейинки жашы жете элек бала жасаса 2 миң) айыппул менен жазалоо сунушталууда. Эгерде мыйзам бузуу кайталанса, 5000 сом өлчөмүндө айып пул салынат же 3 күндөн 5 суткага чейинки мөөнөткө административдик камакка алынат (эгер 12 жаштан 16 жашка чейинки жашы жете элек адам тарабынан жасалса 4000).

Мындай жазалар жашы жете элек окуучунун ата-энесинин бирине же эгерде ал эрезеге жеткен болсо, окуучунун өзүнө, же ошого жараша тарбиялык мамилелердин катышуучусу болгон башка адамга колдонулат.

Сүрөт www