Кыргызстандык кыздардын космостук иштеп чыгуулары (фото)
КРда 600дөн ашык кыздар спутниктик инженердик курстардан өтүштү
Бүгүн ЮНИСЕФ Кыргызстандын Инженердик билим берүү ассоциациясы менен биргеликте биринчи Эл аралык жаштар форумун “Космостук технологиялар. Кыздар үчүн жаңы горизонттор” И.Раззаков атындагы Кыргыз техникалык университетинин базасында өткөрдү.
Форумда Казакстан жана Өзбекстандан чакырылган спикерлер, өнөктөштөр иш-чаранын 200дөн ашык катышуучулары менен космостук технологияларды өнүктүрүү боюнча тажрыйбалары менен бөлүшүүдө. Форумдун атайын коногу, Кыргызстандагы Роскосмостун Ай базасынын жалгыз сыноочу дарыгери Стефания Федяй иш-чараны алыстан шыктандыруучу сөзү менен ачты.
Форумда Кыргызстандагы UniSat долбоорунун жыйынтыктары сунушталып, анын негизги максаты наноспутниктерди иштеп чыгуу боюнча кыздардын билимин жана компетенциясын өнүктүрүү, ошондой эле балдардын жана өспүрүмдөрдүн техникалык көндүмдөрүн жана чыгармачылык тапкычтыгын өркүндөтүү болгон.
Кыргызстандын катышуучу кыздары долбоордун маанилүү этаптары менен бөлүшүштү: 2022-жылдын март айында Казакстандын жана Өзбекстандын долбоордун катышуучулары менен бирге Казакстандын аймагынан IlimSat наносферасынын стратосферага ийгиликтүү учурулганы. Борбор Азия өлкөлөрүнүн космостук технологияларды изилдөөдөгү тажрыйбасы жана жетишкендиктери тууралуу Казакстан менен Өзбекстандын спикерлеринин пленардык отурумдары менен катар «Космос биздин жашообузда» аттуу фото жана сүрөт көргөзмөлөрү тартууланды.
Долбоордун алкагында Бишкек шаарындагы мектептерден жана өлкөнүн техникалык жогорку окуу жайларынан 566 кыз жана 112 эркек бала «Космос биздин жашообузда» деген 3 айлык программаны, ал эми 50 кыз спутниктик инженерия боюнча 5 айлык программаны аякташты.
«Өспүрүм кыздар жана балдар өлкө үчүн негизги байлык жана ресурс болуп саналат. Ошондуктан, биз балдарга жана жаштарга 21-кылымдын жөндөмүнө ээ болушу үчүн инвестиция кылышыбыз керек. Girls in Science жана UniSat сыяктуу программалар өспүрүмдөрдү илим дүйнөсүнө таанытат. Мен кыздарга спутник курууну үйрөтүү процессине байкоо жүргүзүү мүмкүнчүлүгүнө ээ болдум жана стратосферага наноспутниктердин учурулганына зор шыктануу менен күбө болдум. Наноспутниктин учуруусу Кыргызстандын кыздары үчүн чексиз мүмкүнчүлүктөрдүн символу жана персонификациясы болуп калды”, - дейт директордун милдетин аткаруучу Юлия Олейник. ЮНИСЕФтин Кыргызстандагы өкүлү.
Форум кыздардын инженердик жана космостук технологиялар тармагына кызыгуусун арттырууну гана эмес, космос мейкиндигин изилдөө жаатындагы аймактык байланыштарды өнүктүрүүнү жана бекемдөөнү да көздөйт.
ЮНИСЕФтин Кыргызстандагы өкүлчүлүгү
ЮНИСЕФтин фотосу