Кыргызстандык Бекназ Алмазбеков дүйнөдөгү эң мыкты 60 жаш футболчунун катарына кирди
"Галатасарайда" ойногон 17 жаштагы мекендешибиз The Guardian рейтингинин тизмесине кирди
Кыргыз футболчусу Бекназ Алмазбеков дүйнөдөгү эң таланттуу 60 жаш оюнчунун катарына кирди. Бул тууралуу Кыргызстандын футбол союзу (КФУ) билдирди.
Британиянын абройлуу The Guardian басылмасы 2005-жылы туулган дүйнөнүн эң таланттуу футболчуларынын рейтингин жарыялады. Бул тизмеде кыргызстандык жаш футболчу Бекназ Алмазбеков бар.
Учурда 17 жаштагы Алмазбеков Түркиянын белгилүү спорт клубдарынын бири – Галатасарайда ойнойт.
Ал Кыргызстандын курама командасында алгачкы дебютун 2022-жылдын 11-июнунда Азия Кубогунун турниринин тандоо оюндарынын алкагында Мьянма курамасы менен ойногондо жасаган.
2020-жылдын март айында КФУ Бекназ Азия футбол конфедерациясынын (АФК) версиясы боюнча Борбор Азиядагы эң мыкты жети футболчунун катарына киргенин билдирген.
«Алмазбек Стамбулдагы Галатасарайдын негизги командасына жакындап, өлүмгө алып келген айып соккусун аткарды. Анын ар бир кыймылы үйүндө текшерилет. Бекназ Алмазбековдун аракеттерин байкап көргүлө!” деп жазат The Guardian.
сүрөт www