ЖККУнун Балыкчыдагы машыгууларында жаңы чабуулчу «Муха» учкучсуз учагы биринчи жолу колдонулду
«Муха» учкучсуз учуучу аппараты 5 кг салмактагы жүктү көтөрүп, абада 30 мүнөт турууга жөндөмдүү
Ысык-Көл районундагы «Эдельвейс» полигонунда өткөн «Бузулбас бир туугандык» машыгуусунда бейпилдик күчтөрү биринчи жолу «Муха» чабуулчу учкучсуз учуучу аппаратын колдонушту. Бул тууралуу ЖККУ катчылыгынын басма сөз кызматы билдирди.
«Муха» чабуулчу учкучсуз учагы орусиялык адистер тарабынан иштелип чыккан жана салмагы 5 килограммга жакын пайдалуу жүктү көтөрүп, абада 30 мүнөт турууга жөндөмдүү. Дрон 30 эсе масштабдуу камера менен жабдылган, бул аны чалгындоо максатында колдонууга мүмкүндүк берет. «Муха» электрондук согушка туруктуу.
9-октябрдан 13-октябрга чейин Кыргызстандагы «Эдельвейс» полигонунда ЖККУнун бейпилдик күчтөрүнүн катышуусунда «Бузулбас бир туугандык – 2023» машыгууларынын активдүү фазасы өтүүдө. Аларга Беларустун, Казакстандын, Кыргызстандын, Россиянын жана Тажикстандын контингенттери, биргелешкен штабдын ыкчам топтору жана ЖККУнун катчылыгы катышууда.
Жалпысынан 1,5 миңге жакын аскер кызматкерлери, 200дөн ашык бронетранспорттук техника, Ми-8, Ми-17, Ми-24 тик учактары, Су-25, Су-30 жана Ил-76 учактары, учкучсуз учактар жана согуштук катерлер көнүгүүлөр үчүн келди.
Фото ЖККУ катчылыгынын басма сөз кызматы