"Бул мыйзам долбоору бейөкмөт уюмдар секторун таптакыр жоюп, көптөгөн жумуш орундарын жок кылат"
Жогорку Кеңештин комитети чет элдик агенттер боюнча мыйзам долбоорун экинчи окууда жактырды
Бүгүн Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитети аймактык тескөөчүлөргө көзөмөлдү күчөткөн мыйзам долбоорун экинчи окууда жактырды.
Мыйзам долбоорунун демилгечилери – Жогорку Кеңештин депутаттары: Н.А. Нарматова, Ж.Э. Садырбаева, Г.О. Култаева, Ж.С. Кыдыкбаев, З.Д. Мамасадыков, С.А. Айжигитов, К.К. Сулайманов, Ж.Коргонбай уулу, К.Л. Хангеза, Ж.К. Исаева, Н.А. Ражабалиев, Ф.Д. Исмаилов, Т.Н. Сарыбашев, А.Т. Түмөнбаев, А.Т. Маткеримов, А.Т. Эрбаев, А.Б. Кенжебаев, И.И. Матраимов, Ж.Ш. Токторбаев.
Депутат Дастан Бекешевдин айтымында, мыйзам долбооруна көптөгөн эл өкүлдөрү өз сунуштарын киргизип, бирок алар кабыл алынган эмес. Демилгечинин өзүнүн сунуштары гана кабыл алынган: саясий ишмердүүлүктүн аныктамасы бир аз башкача берилип, бейөкмөт уюмдарга жана алардын жетекчилерине карата кылмыш жоопкерчилиги 5 жылга чейин кыскартылган.
«Бул мыйзам долбоору бейөкмөт уюмдар секторун таптакыр жоет. Бул мыйзам долбоору ордуна эч кандай жумуш бербестен көптөгөн жумуш орундарын жок кылууда», - деди Бекешев.
Фото www