Сегиз журналистти Биринчи Май райондук сот СИЗОго калтырды
Экөө өлкө аймагынан чыкпоо тил каты менен бошотулса, бирөө үй камагында
Сегиз журналист тергөө абагында калууда. Бишкектин Биринчи Май райондук сотунда баш коргоо чарасын узартуу тууралуу маалымат каражаттарынын кызматкерлерине билдиришти.
Сот Сапар Акунбековду үй камагына чыгарды. Жумабек Турдалиев менен Акыл Орозбеков өлкө аймагынан чыкпоо тил каты менен бошотулган.
Темиров Live редакциясынын сегиз кызматкери эки айга СИЗОдо отурушту: Азамат Ишенбеков, Актилек Капаров, Айке Бейшекеева, Махабат Тажибек кызы, Сайпидин Султаналиев, Тыныстан Асыпбеков, Максат Тажыбек уулу, Жоодар Бузумов.
Эске сала кетсек, буга чейин сот Сапар Акунбековдун баш коргоо чарасын үй камагына өзгөрткөн. Белгилей кетсек, ал ден соолугуна байланыштуу 7-мартта камактан бошотулган.
16-январда Темиров Live компаниясынын бир катар мурдагы жана азыркы кызматкерлеринин үйүндө тинтүү жүргүзүлүп, күч органдары 11 журналистти ИИМдин Башкы тергөө башкармалыгына алып барып, сурактан кийин 48 саатка камакка алышкан.
Ички иштер министрлиги массалык баш аламандыкка чакырган маалыматтар «Айт Айт Десе» жана Темиров Live басылмасынын беттериндеги басылмалардан табылганын билдирди.
Бул факты боюнча кылмыш иши козголду. Биринчи май райондук соту камактагы 11 журналисттин бардыгына эки айга СИЗО-1ге камакка алуу түрүндөгү баш коргоо чарасын тандады.
Лейла Молдобаева
Сүрөт www