Министрлер кабинетинин башчысы Яндекс бизнес тобунун директору менен жолугушту
«Салыктарды ак ниеттүү түрдө төлөөгө даяр инвесторлор үчүн мамлекет бардык шарттарды түзүүгө даяр»
Акылбек Жапаров Яндекс бизнес тобунун башкы директору Даниил Шулейко баштаган делегацияны кабыл алды.
Жыйындын жүрүшүндө министрлер кабинетинин башчысы «өлкөнүн салык мыйзамдары дээрлик бардык бизнести масштабдуу кылууга мүмкүндүк берет» деп белгилеп, «салыктарды ак ниеттүүлүк менен төлөөгө даяр болгон инвесторлор үчүн мамлекет бардык шарттарды түзүүгө даяр» деп кошумчалады».
Бул контекстте Акылбек Жапаров учурдагы колдонууга айдоочулар үчүн автоматташтырылган салыктык отчеттуулук функциясын киргизүүнүн маанилүүлүгүн белгилеп, тиешелүү маалыматтарды салык органдарына автоматтык түрдө берүү зарылдыгын белгиледи.
Өз кезегинде Даниил Шулейко белгилегендей, өлкөнүн дээрлик ар бир жетинчи тургуну Яндекстин кызматынан пайдаланат жана бүгүнкү күндө 100 миңден ашык айдоочу Yandex Go платформасында акча табуу мүмкүнчүлүгүнө ээ. Ал ошондой эле Кыргызстанда бизнести өнүктүрүү үчүн жагымдуу шарттар түзүлгөнүн, Яндекс өлкөдө өз кызматтарын мындан ары да жакшыртууну көздөп жатканын кошумчалады.
Жолугушуунун жыйынтыгында ата мекендик маалымат рыногу менен консультацияларды өткөрүү үчүн жасалма интеллект жана IT чөйрөсүндөгү алдыңкы россиялык адистердин тобунун өлкөгө сапарын уюштуруу боюнча макулдашууга жетишилди.
Сүрөт министрлер кабинетинин басма сөз кызматынан