Мадумаровдун иши «мамлекетке чыккынчылык кылуу» беренесинен «кызмат абалынан кыянаттык менен пайдалануу» беренесине кайра квалификацияланды
26-мартта саясатчынын өкүмү жарыяланган
Бишкектин Биринчи Май райондук соту саясатчы Адахан Мадумаровго тагылган айыпты «мамлекетке чыккынчылык» беренесинен «кызмат абалынан кыянаттык менен пайдалануу» беренесине кайра классификациялады.
26-мартта Мадумаровго өкүм чыкты. Саясатчы алдамчылык жана кызмат абалынан кыянаттык менен пайдалануу боюнча күнөөлүү деп табылган. Ал эскирүү мөөнөтү өтүп кеткендигине байланыштуу жазадан бошотулуп, бирок өкүм мыйзамдуу күчүнө киргенге чейин камакта калтырылган.
Эскерте кетсек, ИИМдин Тергөө кызматы тарабынан Мадумаровго карата КР Кылмыш-жаза кодексинин 323-беренеси («Мамлекеттик чыккынчылык») боюнча кылмыш иши козголгон. Саясатчы 2-сентябрда кармалып, СИЗОго киргизилген.
Кеп 2009-жылы Худжанд шаарында кол коюлган протоколго байланыштуу, ага Коопсуздук кеңешинин катчысы Адахан Мадумаров тажик тарап менен эки өлкөнүн мамлекеттик орган жетекчилеринин Коопсуздук катчыларынын жетекчилиги астында өткөн жумушчу жолугушуунун жыйынтыгында кол койгон. Документке ылайык, кыргыз тарап Тажикстандан аянты 5 гектар, узундугу 275 метр болгон жер тилкесин 49 жылга ижарага алган. Протокол Худжанддагы сүйлөшүүлөрдөн кийин кабыл алынган.
Мындан тышкары, депутаттын дарегине 2015-жылдагы парламенттик шайлоого байланыштуу арыз жазылган. Ал алдамчылык, тактап айтканда, «Бүтүн Кыргызстан» партиясынын кассасынан 50 миң доллар алып кеткен деп айыпталган.
Сүрөт: www