Кыргызстан менен Өзбекстандын демаркация комиссиясынын кезектеги жыйыны өттү
Жолугушуу Өзбекстан Республикасынын аймагында өттү
Наманган шаарында (Өзбекстан) кыргыз-өзбек биргелешкен демаркация комиссиясынын курамындагы Кыргыз Республикасы менен Өзбекстан Республикасынын өкмөттүк делегацияларынын жумушчу топторунун кезектеги жыйыны болуп өттү.
Министрлер кабинетинин басма сөз кызматы билдиргендей, жолугушууда кыргыз-өзбек мамлекеттик чек арасын демаркациялоо маселеси талкууланды. Талаа изилдөөлөрү жүргүзүлүп, анда кыргыз-өзбек мамлекеттик чек арасынын делимитация сызыгын аталган аймакка алып чыгуу боюнча тапшырмалар такталды.
Иш-чаранын жыйынтыгында тиешелүү протоколго кол коюлду.
Жумушчу топтордун кезектеги отуруму Кыргыз Республикасынын аймагында өтөт.
Сүрөт министрлер кабинетинин басма сөз кызматынан
Бизди Телеграм каналыбыздан окуңуз