Кыргызстандын 2030-жылга чейин Улуттук өнүктүрүү программасын иштеп чыгуу башталды
Министрликтерге жана мекемелерге бир катар тапшырмалар берилди
Акылбек Жапаров Кыргыз Республикасын 2030-жылга чейин өнүктүрүүнүн жаңы программасын иштеп чыгуу боюнча жыйын өткөрдү.
«Бүгүн биз алдыда турган көптөгөн милдеттердин босогосунда турабыз жана Кыргыз Республикасын 2030-жылга чейин өнүктүрүү программасын иштеп чыгууга киришип жатабыз, анын алкагында жакынкы 6 жылга планды аныктайбыз», - деди министрлер кабинетинин башчысы.
Жыйындын жүрүшүндө өлкөнүн акыркы 3 жылдагы негизги социалдык-экономикалык жетишкендиктери талкууланып, 2030-жылга чейинки мезгилдеги максаттар жана милдеттер белгиленди.
Жыйындын соңунда Акылбек Жапаров өлкөнүн министрликтери менен мекемелерине, ошондой эле президенттин аймактардагы ыйгарым укуктуу өкүлчүлүктөрүнө 2030-жылга чейин өнүктүрүүнүн мамлекеттик программасынын долбоорун иштеп чыгуунун артыкчылыктуу багыттары боюнча бир катар тапшырмаларды берди.
Сүрөт министрлер кабинетинин басма сөз кызматынан