Аида Салянованын мандаты май майрамдарынан кийин Клара-Гүлнара Саматка берилет
Депутаттыка талапкердин кош жарандуулугу тууралуу "Карек" коомдук бирикмеси Боршайкомго жазган арызын кайтарып алды
Клара-Гүлнара Самат кош жарандуу экендигин айтып, БШКга кайрылган активистер арызын кайтарып алышты. Бул тууралуу Vesti.kgге өздүк булактар маалымдады.
"Карек" коомдук бирикмеси 27-апрелде депутаттыка талапкер айымдын кош жарандуулугу жок экендиги тууралуу БШКга кат жолдогон.
"Сизден БШКга 15-январда түшкөн №1\86 арызын кайтарып берүүңүздү суранам" - деп жазылат С. Конокбаевдин колу коюлган кайрылууда.
Vesti.kg Борбордук шайлоо комиссиясынын мүчөсү Кайрат Осмоналиевге кайрылганда, ал бул маалыматты тастыктап, Аида Салянованын мандатын Клара-Гүлнара-Саматка берүү маселеси май майрамдарынан кийин чечилээрин айтты.
- Активистердин арызы эч кандай документтер менен далилденген эмес. Атүгүл орус паспортунун дагы көчүрмөсү жок. БШК ушул сыяктуу арыздарды карабаш керек болчу, - дейт Кайрат Осмоналиев.
Эскерте кетсек "Карек" коомдук бирикмеси "Ата Мекен" партиясынан депутаттыка талапкер Клара-Гүлнара Саматта Орусия жарандуулугу бар деп айыптап чыгышкан.
Эгер бул маалымат такталбаса жарандык активистер жалган жалаа жапкандыгы үчүн жоопкерчилике тартылаары айтылган.
Зулайка Эркимбаева
Фото www