Кубанычбек Кулматовго чек арадан чыкпоо тууралуу чара көрүлдү
Учурда Бишкектин экс-мэри УКМКда суракта отурат
Бишкектин экс-мэри Кубанычбек Кулматовго чек арадан чыкпоо тууралуу баш коргоо чарасы көрүлдү. Бул тууралуу Vesti.kg УКМКнын пресс-катчысы Рахат Сулайманов билдирди.
Ал арада кээ бир ММКлар Кулматов сурак учурунда камакка алынды деп жазып жиберишти. Улуттук коопсуздук комитети бул маалыматты четке какты.
- Камакка алыша элек, учурда ал сурак берип жатат. Ал эми чек арадан чыгарбоо тууралуу баш коргоо чарасы мурунку суракта эле көрүлгөн,- деди Сулайманов.
Бишкектин экс-мэрине Баш прокуратура тарабынан КР КК 303-беренеси боюнча кылмыш иши козголгон.
2014-жылы Кулматов Бишкектин мэри болуп турганда, "Бишкек ЖЭБин модернизациялоо" долбооруна деп алынган кытай кредитинен, мектеп курулушуна бөлдүргөн 2 миллион долларды максатсыз пайдаланган.
Зулайка Эркимбаева
Фото www