Райымбек Матраимовдун жактоочусу анын кайда экендигин билбейт
Ал арада Бажы кызматынын башчысынын мурунку орун басары ММК га өзунүн кымыз ичип жана эс алып жаткандыгын билдирди
Бажы кызматынын төрагасынын мурунку орун басары Райымбек Матраимовдун жактоочусу Татьяна Карыжинская Vesti.kg сайтына өзүнүн коргогон адамынын кайда экендигин билбегендигин айтты.
Ал эмгек өргүүсүндө экендигин жана мындай маалыматка ээ эмес экендигин айтты.
Фейсбук социалдык тармагынын колдонуучусу белгилүү саясат талдоочу Дмитрий Орлов «олуттуу кишилердин» билдиришинче Матраимов өлкөдөн чыгып кеткендигин билдирген болчу.
Райымбек Матраимовдун бир тууганы депутат Искендер Матраимовго комментарий үчүн кайрылганыбызда, ал бул маалыматты четке какты. Ал Райымбек Кыргызстанда деди.
Андан сырткары, govori.tv басылмасы Райымбек Матраимов менен байланышканда, ал Суусамырда кымыз ичип, дарыланып жаткандыгын айткан.
- Мен кайда качам. Мен кача тургандардан эмесмин. Азыр, мына Суусамырда кымыз ичип дарыланып атам. Ким ишенбесе келип мейман болуп, текшерип кетсин,- деди Райымбек Матраимов прессага.
Бакыт Стамов
фото www