Башпрокуратурада жарандардын гана арызын кабыл алуучу бөлүм түзүштү
Башкы көзөмөлдөөчү органынын түзүлүшүндө өзгөрүүлөр болду
Коопсуздук Кеңешинин 2018-жылдын 8-февралындагы сунушу боюнча коррупциялык тобокелчиликти азайтуу, прокурордук ишмердүүлүктүн ишин жакшыртуу, ошондой эле жарандардын арыздарын өз убагында кароону камсыздоо максатында Башпрокуратуранын түзүлүшүндө өзгөрүүлөр болду.
Ошону менен бирге, жарандардын көпчүлүгү төмөнкү инстанцияларга арыздангандыктан, бөлүмдүн кызматкерлери жер-жерлерди кыдырат.
Мындай бөлүмдүн ачылышы жарандардын арызы боюнча иштин сапаттуулугун жогорулатып жана прокуратура кызматкерлеринин үстүнөн болгон арызды азайтат деп ишенебиз, ошондой эле жарандардын доо, арыздарын кароону ар тараптуу жана ыкчам камсыздайт деп ишенебиз.
Андан сырткары, түзүлүш бөлүктөрүнүн жарандардын арызын кароо боюнча аткарган кызматтарын тармактык башкарууга бөлүп берүү кылмыш иштерин иликтөөнү сапаттуу көзөмөлдөөгө шарт түзөт. Андан сырткары мамлекеттик органдарда коррупциялык схемаларды аныктоого, ошондой эле сотто мамлекеттик айыптоону сапаттуу колдоого өбөлгө түзөт.
Башпрокуратуранын маалымат бөлүмү
Фото www