КСДП Сооронбай Жээнбековду туулган күнү менен куттуктабайт
Мамлекет башчы бүгүн 60 жылдыгын майрамдайт
Кыргызстандын президенти Сооронбай Жээнбеков маараке өткөрөт. Бүгүн ал алтымышка чыкты.
Ал мамлекет башчылык кызматты 2017-жылдын 24-ноябрынан бери аркалап келет. Шайлоодо аны ошондогу президент, азыркы КСДПнын төрагасы Алмазбек Атамбаев колдогон.
Бирок КСДП бул майрамды өткөрүүнү көздөбөйт. Бул тууралуу Vesti.kg сайтына КСДПнын маалымат катчысы Кундуз Жолдубаева билдирди.
- Партиянын куттуктоосун белгилей кетүү керек, Сооронбай Жээнбеков президенттик кызматка киришкенден тартып партиядан чыккан, - деп түшүндүрдү ал. - Ошондуктан партиянын атынан куттуктоо болбойт. Ал эми экс-президент менен азыркынын ортосундагы жеке мамиле тууралуу комментарий бере албайбыз.
Андан сырткары, Жолдубаева партиянын экс-президентти да куттуктабагандыгын кошумчалады.
- КСДП Алмазбек Шаршеновичти да 60 жылдыгы менен куттуктаган эмес. Ал ошол маалда президент болчу, - деп баса белгиледи ал.
Сооронбай Жээнбеков 1958-жылы 16-ноябрда Ош областынын Кара-Кулжа районунда туулган.
Зулайка Эркимбаева
Сүрөт www