Menu
RSS

Биз социалдык тармактардабыз:

TwitterFacebookYoutubeInstagramTelegram

Депутат: Канчалаган кытайлар биздин кыздарга үйлөнүштү, силер болсо коркунуч жок дейсиңер!

Кожобек Рыспаев Кыргыз Республикасына 10 мамлекеттин визасыз кирүүсү жөнүндөгү идеядан чочулайт

Кыргызстанга кирүүгө 55 өлкөгө визасыз режим берүүгө сунуш кылышат. Дастан Бекешев демилгечи болгон бул мыйзам долбоор бүгүн Жогорку Кеңеште биринчи окууда каралат.

- Визасыз режим киргизүү мыйзамы 201ё2-жылы кабыл алынган, анын күчү 2020-жылга чейин, - деп баса белгиледи Бекешев. - Азыр ал мыйзам 45 беш өлкөгө тийешелүү. Дагы 10 өлкөнү кошуу ниеттелип жатат. Баары болуп 55 өлкө болот. Адегенде бул мыйзамдын мөөнөтүн чексиз кылалы деген демилгелер болгон. Бирок, талкууланган соң, комитет анын мөөнөтүн 2030-жылга чейин узарткан.

Депутат экинчи окууда документке Кыргызстанга визасыз кирүү жана шенгендик виза алуучуларды кароо нормасы кошулат деп кошумчалады.

Андан сырткары, депутат Грузия 99 мамлекетке визасыз кирүүгө уруксат бергендигин баса белгиледи.
Анын кесиптеши Кожобек Рыспаев өз кезегинде Кыргызстанда ансыз көп кытай жарандары бар экендигин билдирди.

- Инвесторлор, ишканалар - бардык жерде кытайлар, - деп нааразы болот ал. - Канчалаган кытайлар кыргыз кыздарына үйлөнүп алышты, силер болсо коркунуч жок дейсиңер.

Бекешев Рыспаевге азыр туризм маселесин талкуулап жатабыз, миграция маселесин эмес деп эскертти.
- Биз башка мыйзамдолбоорду талкуулап жатабыз, ал эми сиздин көтөргөн маселеңиз миграцияга тийешелүү, - деп каршылык көрсөттү Дастан Далабаевич.

Зулайка Эркимбаева
Сүрөт www

Бизди Телеграм каналыбыздан окуңуз
Ой-пикир кошуңуз


Наверх