Кыргызстандын бизнес-омбудсменин шайлоо үчтүн айынын аягында, же бирдин айынын башында өтүшү мүмкүн

Кыргызстандагы бизнес-омбудсмен институту жалган курандын айгында же чын курандын башында толук кандуу иштеп башташы мүмкүн. мындай пикирин Vesti.kg сайтына аталган институттун башчылыгына талапкер кызмат көрсөтүү, соода жана базарлар Бирикмесинин президенти Сергей Пономарев билдирди.

- Бул нерсени Украинанын тажрыйбасынан улам билсек болот: бештин айында нормативдик-укуктук актыларды даярдашты жана чын куранда институт иштей баштады, - дейт ал. - Карап көрсөңүздөр, бизде да кудум ошондой кырдаал болуп турат, бирок масштабы таптакыр башкача, биз чын куранга чейин баарын жасап үлгүрүшүбүз керек.

Пономаревдун сөзүнө караганда, бизнес-омбудсмендикке башка да талапкерлер бар, ал расмий тизме менен тааныша элек.

- Мен өзүмдүн гана талапкерлигимди билем жана бизнес мени колдойт, - деп тамашалайт экономист.
Пономаревдун сөзү боюнча, азыр экономика Министрлиги премьер-министрдин буйрук долбоорун даярдап жатат, ал Байкоочу кеңеште өкмөттүн өкүлүн аныктайт. Ал жерде ал бир добуш алуу менен турат. Ал эми экинчи добушту болсо эл аралык уюмдардан алат, биздикиндей кырдаалда - Европа өнүктүрүү жана реконстукциялоо банкынан. Ошондой эле кеңештин мүчөсү болуп ири бизнес бирикмелеринин делегаттары жана ротациялык негизде тандалып алынгандар катыша алат.
- Долбоор даяр болуп калды деп ойлойм, - деп сунуштайт экономист. - Андан соң Байкоочу кеңеш түзүлөт, регламент иштелип чыгып добуш берилет. Үчтүн айынын аягында же бирдин айынын башында бизнес-омбудсмендикке шайлоо болот.

Ал институттун байкоочу кеңеши бир гана каржылык көзөмөл өтөбөстөн, көпчүлүк добуш менен саясатты да аныктай алат.

Бизнес омбудсменди шайлоо жана отставкага кетирүү бир добуштан гана болот.
- Андан кийин конкурстук негизде аппарат тандалып алынат, милдеттүү тапшырмалар аныкталат, окутуу болот, - деп улантты Пономарев. - Жок эле дегенде эки ай убакыт кетет. Ошондуктан институт жалган курандын акырына же чын куранга барып ишке киришет. Бул Кыргызстан үчүн жаңылык болот.
Эске салсак, мурда Vesti.kg сайты премьер-министр Мухаммедкалый Абылгазиевдин бизнес-омбудсмен институтун түзүү тууралуу токтомго кол койгондугун билдирген эле. Ал ишкерликтин эркиндигин, мыйзамдуу кызыкчылыгын жана укугун коргойт.

Ольга Федорчук
Сүрөт www