Исхак Масалиев: Жергиликтүү бийлик Тажикстанга барып, чай ичип, палоо жеши керек
Депутат эмне үчүн парламент жабык эши артында чегара маселесин талкуулап жаткандарын түшүндүрүп берди
Кыргыз-тажик чегиндеги кырдаалды талкуулоонун жабык режимде болушу мамлекеттин коопсуздугу үчүн. Бул тууралуу Жогорку Кеңештин депутаты Исхак Масалиев журналисттер менен болгон маегинде билдирди.
- Анткени чегараны делимитациялоо жашыруун болот, - деп түшүндүрдү эл өкүлү. - Өкмөттүн берген отчетун жабык режимде уккандан жаман нерсе жок. Бирок акыры түбу депутаттар силерге маалымат беришет. Ал эми мамлекеттик коопсуздукка тийешелүү маселелерди элге жарыя кылып талкууга алышыбыз биздин өнөктөштөр менен болгон сүйлөшүүлөрдө терс таасирин бериши мүмкүн. Ошондуктан сак болуу зарыл.
Исхак Абсаматович чегара аймагындагы көйгөй мамлекет социалдык маселелерди чечмейинче улана бере тургандыгын айтты.
- Маселе жөнгө салынган эмес, жаңжал байма бай чыгат, - дейт ал. - Өкмөт өз аракети үчүн жооп бериши керек. Депутаттар мыйзам сыгарыш керек эмес, министрлер кабинети чара көрүүсү керек. Жергиликтүү бийликтин органлдары күн сайын коңшу республикадагы кырдаалды артынан калбай байкап, алар менен палоо жеп, чай ичүүсү керек. Элдик ортомчулук институту иштеш керек, антпесе бул нерсе канчага уланаары белгисиз.
Жаңжал ошол эле жерден 1986-жылы чыккан, анткени жер иштетүү сунун тартыштыгы - деген нерселер чегара аймагынын түгөнгүс көйгөйү. Биз буга көңүл буруп карагыча жаңжал улана берет.
Эске сала кетели, бүгүн парламент өкмөттүн 2019-жылы жалган курандын он үчүндө Баткен облусунун кыргыз тажик мамлекеттик чегарасындагы окуя тууралуу маалыматын угуп жатат.
Ал жыйынга премьер-министр Музаммедкалый Абылгазиев баш болгон өкмөт өкүлдөрү катышууда.
Зулайка Эркимбаева
Сүрөт www