Текебаев Бабанов тууралуу: Эгерде анын күнөөсү далилденбесе, анда анын мекенине кайтып келүүгө укугу бар

Соттолгон экс-депутат Өмүрбек Текебаевдин ден соолугу жакшы жана колониядагы жашоосуна нааразычылыгы жок. Бул тууралуу Vesti.kg сайтына Жогорку Кеңештин экс-вице-спикери Кубанычбек Исабеков билдирди.

- Биз Өмүрбек Чиркешович менен алты күн мурда жоолугуштук, - деди ал. - Мен ага тамак алып бардым. Ал жоолугушууга Эсептөө палатасынын мурдагы аудитору Жусуп Иманалиев да барды. Текебаев камерада жалгыз отурат. Өмүрбек Чиркешович өзүн жакшы сезип турат, сергек көрүнөт. Ал дагы эле саясий турмушка жигердүү аралашып турат. Анын эч кандай өзгөчө шарты жок. Текебаев аны түрмөдө эч кандай коркунучтар каршы тосуп албагандыгын айтат. Ал түрмө шартына жана ал жердеги кызматкерлерге кине койбойт. Текебаев боштондукка чыкканда саясий ишмердүүлүк менен алектенет. Ал жакында боштондукка чыгат.

Ошону менен бирге, Исабековдун айтымында, Текебаев Кыргызстанга Өмүрбек Бабановдун кайтып келүүсүнө да өз пикирин айтты.

- Биз аны менен өлкөдөгү азыркы кырдаал жана өкмөт менен президенттин иши тууралуу сүйлөштүк, - деп улантат мурдагы вице-спикер. - Мен ага «Сен Атамбаев тууралуу сүйлөбөй калдың го», дедим. Ал макул болду мени менен. Анан мен аны тамашалап: «Кел мен ортомчу болоюн? Аны менен бир дасторконго отур», дедим. Текебаев дароо эле «Жок, андай болбойт», деди. Ал Атамбаевди көргүсү да жок. Биз жоолугушууда Бабановдун кайтып келүүсү тууралуу да сүйлөштүк. Текебаев анын күнөөсү далилденген жок, аны соттошо элек, демек ал мекенине кайтып келгенге толук укугу бар деди.

Медина Купсулдаева
Сүрөт www