Калп айтканга айыпталган Максат Чакиев эмне айтайын дегендигин түшүндүрдү (видео)

Максат Чакиев Дүйнөлүк көчмөндөр оюнунун авторлугун өзүнө ыйгарып алды деген сөздү четке кагат. Ушундай деген калп сөз менен аны улуттук оюндардын Бүткүл дүйнөлүк конфедерациясы ЖМК таркатты. Маданият министринин мурдагы орун басарынын Алматыда чын курандын он тогузунда башталган улуттук спорттун Эл аралык II форумунда сүйлөгөн сөзүн буга негиз кылышты.

«Максат Чакиев өлкөнүн атынан чыгып, Дүйнөлүк көчмөндөр оюнунун авторумун дегени чындыкка дал келбейт, - деп айтылат катта. - Дүйнөлүк көчмөндөр оюнунун биргелешкен уюштуруучусу болуп саналган улуттук оюндардын Бүткүл дүйнөлүк конфедерациясыбул билдирүү калп деп эсептейт, анткени ДКО масштабдуу жалпы улуттук долбоор».

WEC Кыргызстанда Дүйнөлүк көчмөндөр оюнун өткөрүү мамлекеттик органдардын жана коомдук уюмдардын, өлкөдөгү ишкер жамааттын жана жарандардын колдоосу астында өттү.

«Максат Чакиев болгону чоң команданын бир бөлүгү болгон, ал командада режиссерлор, сценаристтер, маркетологдор, артисттер, спортсмендер, каскадерлор, логисттер жана башка Дүйнөлүк көчмөндөр оюнун ишке ашырууну иштеп чыгуучулар болду», - деп белгилешти андагылар.

Андан сырткары WEC уюму Максат Чакиевди сотко берүү укугу бар экендигин айтып эскертишти.

Максат Чакиевдин өзү болсо аны түшүнбөй калышкандыктарына ынандырат: Ал ДКО авторлугун айтканда бир өзүн гана эмес бүткүл Кыргызстанды айтайын деген.
- Кеп IV Дүйнөлүк көчмөндөр оюнунда көк бөрү Федерациясынын улакты тай казансыз ойнойлу деген сунушу тууралуу болуп жаткан, - дейт мурунку министрдин орун басары Vesti.kg сайтына. - Мен биздин позициябызды коргодум. Түрк делегациясы менин каршылыгымды кабыл алды да тай казан маселесин кийинки иш чарага чейин алып салды. Бул менин жеңишим болду, болбосо эрежени өзгөртүп жиберишмек».

Чакиев улуттук оюндардын Бүкүл дүйнөлүк конфедерациясы ДКО автору болбогондугун жана бул уюмдун өкүлдөрүнүн таарына турган жөнү жок экендигин эске салды.
- Мен дайыма айтып келгем, эч ким Дүйнөлүк көчмөндөр оюнунун жеке автору боло албайт,- деп баса белгиледи ал.

Максат Чакиевдин фейсбуктагы баракчасында талаш жараткан видео бар.

«Мен өз өлкөмдүн атынан, ДКО жаратуучусу мамлекеттин атынан, IV Дүйнөлүк көчмөндөр оюнунда көк бөрүнү кыргыз көк бөрүсүнүн эрежеси менен ойноону сурайм, - деп айткан ал форумда. - Мен Дүйнөлүк бирикме чечим кабыл алгандыгын түшүнөм, мен ал бирикмеге мүчө эмесмин жана Кыргыз Республикасындага көк бөрү Федерациясына да мүчө эмесмин. Бирок Дүйнөлүк көчмөндөр оюнунун автору катары мен сиздерден тай казан менен ойноо эрежесин сунуш кылам».

улуттук оюндардын Бүткүл дүйнөлүк конфедерациясынын президенти Асхат Акибаев «Максат Чакиев Дүйнөлүк көчмөндөр оюнунун авторлугун өзүнө ыйгарып алды, бирок бул жалпы элдик уникалдуу долбоордун үстүндө иштеген көп адамдардын салымы жана эмгеги бар», деп билдирди.

Ольга Федорчук
Сүрөтwww