Сапар Исаковдун тарапташтары Кочкордо элдик штаб ачышты
Нарын облустук ИИБлыгы аймакта абал туруктуу экендигине ишендирүүдө
Кочкор айылында Кыргыз Республикасынын мурдагы премьер - министри Сапар Исаковду коргоо боюнча элдик штаб ачылды. Ушундай маалымат бул күндөрү социалдык түйүндөрдө таркады.
Vesti.kg сайты Нарын облустук ички иштер башкармалыгына кайрылып, абалды түшүндүрүп берүүсүн өтүндү.
- Ооба, Сапар Исаковдун тарапташтары Кочкор айылында элдик штаб ачышты, - деп маалымат кызматынан тастыкташты. - Аталган факт боюнча Нарын облустук ИИБ жергиликтүү калктын коопсуздугун камсыздоо үчүн бардык тийиштүү чараларды жүргүзүүдө. Азыркы учурда облустун аймагында абал туруктуу.
Эске салсак, мурдагы премьер-министр Сапар Исаковду 2018-жылдын 5-июнунда кармашкан. Ага Бишкек ЖЭбиндеги модернизациялоо учурундагы паракорчулук боюнча айып тагышкан.
Медина Купсулдаева
Фото www