Курсан Асановго азырынча айып тагыла элек  

Ички министринин мурдагы орун басары Курсан Асановго азырынча айып тагыла элек. Бул тууралу Vesti.kg сайтына ички иштер министринин мурдагы орун басарынын жактоочусу Икрамидин Айткулов айтып берди. 

- Аталган маселе тууралу маалыматтар азырынча жок, - деди ал. 

Ошол эле убакта Асановдун жактоочусу, генералды жактагандыгым үчүн өзүм дагы шектелип кармалдым, - деп кошумчалады. 

- Мен анын айдоочусу Дамирбек Пайзылла уулун да коргоп жатканмын, аны менен суракка барып жатканбыз, - деп түшүндүрдү юрист. - Андан кийин мени убактылуу кармоочу жайга киргизишти. Ал тууралу, мен качан үй камагына чыгарылганымда гана билдим. Бирок, Курсан Асановду жактоодон баш тартпаймын - бул деген, ушул ишти алганымдан кийин аягына чыгаруу менин милдетим дегендик. 

Эсиңиздерге салабыз, мурдараак  Vesti.kg сайты, такталбаган маалыматтарга карап, Курсан Асановго бүгүн айып тагыла тургандыгын билдирген. 

Курсан Асановдун айдоочу-жан сакчысы Дамирбек Пайзылла уулун кармашып, Бишкектеги УКЖга киргизишкен. 

Мурдагы президент Алмазбек Атамбаев кармалгандан кийин, Курсан Асанов берген кырмызы баштыкты кармалган жан сакчы өзү ташып жүргөн деп кабарландырылат. 

Укук коргоо органдары белгилегендей, милициянын сержанты милициянын генерал-майору Курсан Асановго айып тагылары тууралу маалымат белгилүү болгондон кийин, ал жашынып кеткен.

Белгилүү жактоочу Икрамидин Айткуловду алдамчылыкка шектүү катары УКЖга киргизишкен. Бишкек шаардык ИИББ, Айткуловду 5 500 доллар алдап алган деп күнөөлөп  арыз менен жаран кайрылгандыгын көрсөтүшкөн. 

22-августа Айткуловго (Алдамчылык) 2-бөлүк, 204-беренеге ылайык кылмыш жасагандыгы жөнүндөгү шек менен билдирүү тапшырышкан. Учурда сотко чейинки өндүрүш өткөрүлүүдө. 

Бишкектин Свердлов райондук сотунун чечими менен Айткулов үй камагына чыгарылган.

Вероника Малышева

Фото www