Кой-Таштык аял Исмаил Исаковго: «Мен сизди колдогон митингге чыккам» деди
«Инаугурацияда Жээнбеков кудайды унутса дагы, Алмазды унутпасын айткан. Жээнбеков кудайды унутту. Эртең Сооронбай кетсе, анда кимди угасыңар?!»
Кой-Таштын жашоочусу 7-8-августтагы окуяларды иликтеген мамлекеттик комиссиянын мүчөсү Исмаил Исаковго ал кармалганда эл менен кошо аны колдогон митингге чыкканын эске салды.
Аял ага 2009-жылы аны колдогон митингге көтөрүп чыккан сүрөтүн көрсөттү.
- Мен ушуга чейин сиздин сүрөттү сандыгымда катып келгем, - деди Теңизбаева. - Ошону эскертип коеюн дедим.
Мындан сырткары, ал мамкомиссиянын мүчөлөрүн өкмөттүн сөзүн сүйлөп жатасыңар деп күнөөлөдү.
- Жээнбеков менен Атамбаев 24 жыл дос болгон, мына эми эмнени кылып отурат. - деди ачууланган Кой-Таштын жашоочусу. - Инаугурацияда Жээнбеков кудайды унутса дагы, Алмазды унутпасын айткан. Жээнбеков кудайды унутту. Эртең Сооронбай кетсе, анда кимди угасыңар?!.
Гулиза Чудубаева
фото www