Menu
RSS

Биз социалдык тармактардабыз:

TwitterFacebookYoutubeInstagram

Саясат таануучу: Садыр Жапаровдун кайрылуусу Сооронбай Жээнбековго таасир этиши керек

  • 163 жолу кароо

Абактагы саясатчынын жактоочусу, Жапаров президенттен ырайым сураганы менен күнөөсүн мойнуна албаганын баса белгиледи

Соттолгон экс-депутат Садыр Жапаров президент Сооронбай Жээнбековдон ырайым сурады. Бул тууралуу Vesti.kg сайтына анын жактоочусу Шарабидин Токтосунов маалымдады.

Юристтин айтымында, Жээнбековго кайрылууга ага үй-бүлөсүндөгү оор абал себеп болду. Саясатчы жакында эле ата-энеси жана уулунан айрылган.

- Ырайым катта ал ага коюлган күнөөлөрдү мойнуна алган жок,- деп белгиледи Токтосунов. - Анын атасы, апасы жана уулу кайтыш болду. Үй-бүлөсү абдан кыйын абалда турат, андыктан ал аны бошотууну суранган.

Ал ортодо саясат таануучу Марат Казакпаев Vesti.kg сайтына берген маегинде Жапаровдун кайрылуусу Жээнбековго таасир этиши керектигине ишенерин билдирди.

- Менимче, Жапаровдун кайрылуусун Жээнбеков канааттандырат, - деди эксперт. - Ал көп убакыттан бери президентке кайрылгандан баш тартып жаткан, азыр болсо үй-бүлөлүк көйгөйлөрдөн улам ырайым сурап кайрылды. Жээнбеков буга көңүл бөлүшү керек.

Мындан сырткары, Казакпаевдин пикиринде Чүй облустук соту саясатчынын ишин кайра карап чыгууга тийиш.

Эске салсак, Садыр Жапаров 2013-жылы Караколдогу митингдерди уюштуруу жана Ысык-Көл облусунун ошол маалдагы башчысы Эмилбек Каптагаевди барымтага алуу боюнча күнөөлүү деп табылган. Ал 11,5 жылга күчөтүлгөн тартиптеги колонияда эркинен ажыратуу чечими чыгарылган.

Кийинчерээк Жогорку сот жактоочу Жапаровдун арызын жарым-жартылай канаттандырып, жаза өтөө мөөнөтүн жаңы кодекстердин киргенине байланыштуу бир жарым жылга кыскарткан.

Эльдос Казыбеков
Фото www

 

Ой-пикир кошуңуз


Наверх