Роза Отунбаева бүгүн Өмүрбек Текебаевдин иши боюнча сотко келет
Жыйын борбор калаанын Биринчи май райондук сотунда өтөт
Бишкектин Биринчи май райондук соту Жогорку Кеңештин экс-депутаты Өмүрбек Текебаев менен ӨКМнин мурдагы башчысы Дүйшөнкул Чотоновдун ишин жаңы ачылган жагдайлар боючан кайра карайт.
Соттук жыйын 10:00го белгиленген.
Кечээ Текебаевдин тарапташтары социалдык тармактарда сотко өткөөл мезгилдеги президент Роза Отунбаева жана башка саясатчылар келерин маалымдашкан.
Эске салсак, Өмүрбек Текебаев менен Дүйшөнкул Чотонов үстүбүздөгү жылдын 29-августунда үй камагына чыгарылышкан.
Саясатчылар россиялык бизнесмен Леонид Маевскийден 1 млн доллар пара алгандыгы боюнча күнөөлүү деп табылышып, КРнын ККнин «Коррупция» беренеси боюнча соттолушкан.
Экөө тең сегиз жылга эркинен ажыратылып, мүлктөрү конфискацияланган.
Фото www