Ширин Айтматованын күйөөсү 20-февралга чейин СИЗО-1ге калтырылды
Судья Сыргак Кенжебаевдин апасы менен жубайын жыйындар залынан чыгып кетүүлөрүн суранды
ЖКнын экс-депутаты Ширин Айтматованын күйөөсү Сыргак Кенжебаев 20-февралга чейин Бишкектин № 1- убактылуу тергөө абагында калтырылды. Бул тууралуу Айтматова өзү Твиттердеги баракчасына жазды.
Ширин Айтматованын айтымында жыйын очурунда судья Ирина Воронцова аны залдан чыгып кетүүсүн суранган. Кенжебаевдин апасына дагы ушундай өтүнүч айтылган.
Эске салсак, 19-декабрда Сыргак Кенжебаев Алматынын аэропортурда кытай ишкеринин арызынын негизинде алдамчылыкка шектилип кармалган. Айтматова өмүрлүк жолдошунун камалышын «Үмүт 2020» кыймылынын ишмердүүлүгүнө байланыштырат.
Иш ИИМге өткөрүлүп, учурда Кенжебаев СИЗО-1де кармалууда.
Эльдос Казыбеков
Фото www
Бизди Телеграм каналыбыздан окуңуз