Алмазбек Атамбаев Кой-Таш окуялары боюнча соттук отурумга катышат
Биринчи май райондук сотунда алдына ала угуулар 2-мартка белгиленген
Мурдагы президент Алмазбек Атамбаев Кой-Таш окуялары боюнча соттук териштирүүгө катышат. Бул тууралуу Фейсбук социалдык тармагында анын кеңешчиси Кундуз Жолдубаева билдирди.
Алдын ала угуулар 2-мартка белгиленген.
«Кой-Таш окуялары боюнча алдын ала угуулар 2-март, дүйшөмбүгө белгиленди. Экс-президент Алмазбек Атамбаев өз позициясын билдирди. Ал соттук териштирүүгө катышып, мыйзамсыздык жана укуктук ээн баштыкка каршы чыккандардын жанында бирге турууга даяр. Иш Биринчи май райондук сотунда каралат. Саат: 9.30», - деп жазган Жолдубаева.
Фото www
Бизди Телеграм каналыбыздан окуңуз