Жогорку Кеңештин төрагасы депутаттарды бет каптарын чечпей микрофонго келүүгө чакырды
Дастан Жумабеков ошондой эле Ак үйдө парламент мүчөлөрүнөн сырткары ЖК аппаратынын кызматкерлери да бар экенин кесиптештеринин эсине салды
Жогорку Кеңештин төрагасы Дастан Жумабеков депутаттарды Саламаттыкты сактоо министрлигинин сунуштарын сактап, бет кап тагууга чакырды.
- Бул жакта парламенттин аппаратынын кызматкерлери да бар, алардын жана өзүбүздүн саламаттыгыбыз үчүн имараттын ичинде коопсуздук чараларын сактоого чакырам, - деди төрага. - Өзгөчө борбордук микрофонго чыгууда бет каптарды чечпесеңиздер. Ал абдан көп колдонулат.
Бүгүн депутаттар Баткен жана Жалал-Абад облустарында жүргөн селдин кесепеттерин жоюу боюнча көрүлүп жаткан чаралар туурасында парламенттин маалыматын угуу үчүн жыйынга чогулушкан.
Зулайка Эркимбаева
Фото www
Бизди Телеграм каналыбыздан окуңуз