ЖКнын басма сөз кызматы: Асылбек Жээнбеков гуманитардык жардам таратып жүргөн, жыйындарга катышпаганын себеби ушул
Ибраим Нуракун уулу депутат эки гана пленардык жыйынга келбегенин тактады
Депутат Асылбек Жээнбеков Ош облусуна иш сапарына кеткендиктен улам Жогорку Кеңештердин жыйындарына катышкан эмес. Бул тууралуу Vesti.kg сайтына парламенттин басма сөз катчысы Ибраим Нуракун уулу билдирди.
Анын айтымында Жээнбеков жергиликтүү өзүн өзү башкаруу органдарына түшүндүрүү иштерин жүргүзүп, ошондой эле жардамчылары аркылуу муктаж адамдарга гуманитардык жардам жиберип жаткан.
- Асылбек Шарипович Ош облусунда болчу, жергиликтүү бийлик жана шайлоочуларга түшүндүрүү иштерин жүргүзүп жүргөн, - деди Нуракун уулу. - Ал жардамчылары аркылуу муктаж үй-бүлөлөрдүн тизмесин түзүп, аларга гуманитардык жардам жөнөтүлүп турду. Көп адамдын катышуусундагы жолугушууларды өткөргөн жок. Кечээ, мисалы, ал пленардык жыйынга катышты.
ЖКнын басма сөз кызматынын башчысы Жээнбеков эки жана жыйында жок болгонун ишенимдүү билдирди: 30-апрелде жана 15 же 16-апрелде.
Эске салсак, кечээ 7-майда КСДПнын расмий өкүлү Кундуз Жолдубаева Алмазбек Атамбаевдин мурдагы жан сакчысы Канат Сагымбаевдин кайрылуусун жарыялаган, анда ал Асылбек Жээнбеков эмне үчүн мындай оор кырдаалда пленардык жыйындарга келбей жатат деп сын таккан.
Эльдос Казыбеков
Фото www