Коррупцияга айыпталып жаткан Борбордук бажы бөлүмүнүн мурдагы башчысы үй камагына чыгарылды
Мындай чечимди сот кечээ, 3-июнда чыгарган
Борбордук бажы бөлүмүнүн мурдагы башчысы Нурбек Айбашев үй камагына чыгарылды. Бул тууралуу Vesti.kg сайтына Бишкек шаардык сотунун басма сөз кызматынан билдиришти.
Отурум кечээ, 3-июнда Октябрь райондук сотунун судьясы Болотбек Абдуллаевдин төрагалыгы алдында өттү.
Мындай чечим «Айхан» компаниясына 7 миллион сом, башкача айтканда болжонгон зыяндын 40 пайызы төлөнгөнүнөн улам кабыл алынганы белгиленди. Мындан сырткары, Айбашевдин ден-соолугу начарлап кеткен.
Эске салсак, Борбордук бажы бөлүмүнүн мурдагы башчысы Нурбек Айбашев 2018-жылдын май айында кармалган. Ал бажы кызматында 2016-жылдан бери иштеп келген. ЭКККМК аны мамлекетке 116 миллион сом чыгым келтирди деп айыптаган.
Эльдос Казыбеков
Фото www
Бизди Телеграм каналыбыздан окуңуз