«РАЖдын» жаштар канатынын мурдагы лидери жаңы премьерге жардамчы болууга даяр
Азамат Баяманов Кубатбек Бороновго өзү ушундай сунуш киргизди
«Республика - Ата Журт» партиясынын жаштар канатынын мурдагы лидери Азамат Баяманов жаңы премьерден өзүн жардамчы катары кызматка алуусун суранды. Бул тууралуу Vesti.kg сайтына ал өзү маалымдады.
- Акыркы убакытта өкмөт коомчулук менен байланышты жоготуп койду, көптөгөн эл кабминдин ишине нааразы, - деп белгиледи ал. - Өлкө үчүн ушундай оор кырдаалда мен премьер-министрдин жардамчы кызматына өзүмдүн талапкерлигимди сунуштайм. Эл реформанын жоктугу үчүн өкмөттүн ишин сындап жатканы түшүнүктүү. Бирок, мен өзүмдүн жаштыгымды, убактымды, билим жана тажрыйбамды эл үчүн натыйжалуу жана жемиштүү иштеп бергенге даярмын.
Баяманов кабминдин башчысына калк менен ымаланы оңдоого жардам берерин кошумчалады.
- Алардын пикирин угуп, коомдук долбоорлорду киргизүү менен алектенип, ошондой эле жаштар саясатын жылдырмакмын.
Вероника Малышева
Фото www