Мэриянын аппарат башчысы: Абал өзгөрбөсө Бишкекти жок дегенде бир жумага жабыш керек
Балбак Түлөбаев мындай сценарий талкууланып жатканын белгиледи
Эгерде Бишкекте июлдун жарымына чейин коронавирус жуктургандардын саны азайбаса шаарды жабууга туура келет. Мындай пикирин Vesti.kg сайтына Бишкек мэриясынын аппаратынын жетекчиси Балбак Түлөбаев билдирди.
- Илдетке чалдыккандардын саны күндөн күнгө көбөйүп жатканын көрүүдөбүз, - деди ал. - Маалыматтар биз COVID-19дун жогорку чегине эми гана жакындап калганыбызды айтууда. 10-июлдан кийин азайыш керек. Болбосо шаарды таптакыр жаап салуу керек болот. Жок дегенде бир жумага. Ошондо абал кичине жакшырат.
Муну менен бирге Балбак Зарлыкович бул анын жеке гана пикири экенин баса белгиледи.
- Бирок, мэрияда бул маселе талкууланып жатат, - деп кошумчалады ал.
Вероника Малышева
Фото www
Бизди Телеграм каналыбыздан окуңуз
Комментарии