Бишкек шаарынын вице-мэри:Азырынча коомдук транспортторду токтотуу боюнча маселенин кереги жок
Азиз Алымкулов жеке транспорттук компаниялардын жетекчилери менен жолугушуп, санитардык талаптарга олуттуу мамиле кылууга үндөдү
Бишкек шаарынын вице-мэри Азиз Алымкулов жеке транспорттук компаниялардын жетекчилери менен жолугушту.
Пандемиядагы шаардык коомдук транспорттун ишинин маселелери, шаардагы каттамдарды бөлүштүрүүнүн негизги принциптери талкууланды.
Вице-мэр борбор калаада эпидемиологиялык абал курч бойдон калаарын, бирок шаардык коомдук транспортто, айрыкча кичи автобустарда санитардык эрежелер сакталбай жаткандыгын белгиледи. Бирок, азыр коомдук транспортторду токтотуу жөнүндө сөз жок.
Алымкулов айдоочуларга коронавируска каршы чараларды күчөтүүнү тапшырды, биринчи кезекте айдоочулар эрежелерди сакташы керек, беткап кийип жүрүшү керек. Ошондой эле ар бир кичи автобуста маалыматтык кампанияны күчөтүү керек.
Транспорттун жетекчилери айдоочулар арасында сасык тумоого каршы массалык эмдөө жүргүзүүнү сунушташты, маселе Борбордук мамлекеттик санитардык-эпидемиологиялык кызматынын көзөмөлүндө.
Вице-мэр кичи автобустардын абалына көңүл бурду, анткени эски унаалар шаардын экологиясына терс таасирин тийгизет, жүк ташуучулар автопаркты жаңыртууну ойлонуштурушту.
Маршруттук таксилердин ээлеринин бири кесиптештеринен ар бир компаниянын ишин иретке келтирүүнү суранды, анткени алардын уставына каршы келген ар кандай максатта айдоочулардын кол тамгаларын жасалма чогултуу фактылары болгон. Айрым жетекчилер бош бланктарга, кагаздарга кол коюп, андан кийин туура эмес даттанууларды жазышат.
Вице-мэр белгилегендей, бардык иш-аракеттер мыйзам чегинде болушу керек.
Маселелерди тез арада чечүү үчүн транспорттук уюм ар жума сайын жүк ташуучулар менен жолугушуп турууну чечишти.
Бишкек шаардык мэриясы
Сүрөт www