Фарид Ниязов: Садыр Жапаров менен Камчыбек Ташиев көп жылдар бою популизм, интрига, чатак менен гана аталып келген
Экс-президенттин аппараты учурда Кыргызстандан бизнес качып жатканын белгиледи
СИЗОдо жаткан президенттик аппараттын мурдагы жетекчиси Фарид Ниязов дагы бир жолу кыргыз элине кайрылды.
Анын пикиринде, президент Садыр Жапаров менен УКМКнын башчысы Камчыбек Ташиев популизм, интрига жана чуулгандуу иштер менен гана белгиленип калган.
«Чоң саясатта 16 жыл ичинде Садыр Жапаров менен Камчыбек Ташиев популизм, интригалар, чуулгандуу иштер жана башка деструктивдүү иштер менен гана аталды. [...] Өлкөнүн саясий жетекчилигинин стратегиялык көз карашы жок, өнүгүү векторлорун түзө албайт. Сөзгө эмес, Жапаров менен Ташиевдин иштерине таяна турган болсок, курч социалдык-экономикалык маселелерди чечүү алардын приоритети эмес экени айкын болот. Алар бир дагы катуу убадасын аткарган жок», - деди Ниязов.
Кошумчалай кетсек, мурдагы чиновник бийликтин ар бир чечими терс кесепеттерге алып келерине ишенет.
«Инвестициялык климат мындан да начар – бизнес Кыргызстандан качып кетүүдө. Жеке жана чет элдик инвестициялардын көлөмү 2020-жылдагы "коронавируска" салыштырмалуу азайды. Ал ортодо мамлекеттик (тышкы жана ички) карыз өстү. [...] Кыргызстандын мамлекеттик органдарынын тарыхында эч качан мынчалык аз кесипкөй болгон эмес. А түгүл алар бүтпөгөн интрига менен коррупциянын алдында өздөрүн “ашыкча” сезишет. 2021-жылы жарандардын экономикалык жана социалдык абалы начарлап баратат», - деп нааразы.
Эске салсак, Фарид Ниязов 2020-жылдын октябрындагы массалык баш аламандыктарды уюштурган деп шектелип, Кой-Таш окуясы боюнча да айыпталууда.
Элдос Казыбеков
Сүрөт www