Menu
RSS

Биз социалдык тармактардабыз:

TwitterFacebookYoutubeInstagramTelegram

ЖКнын комиссиясы Башкы прокуратура Жээнбеков менен Зулпукаровду кол тийбестиктен ажыратуудан баш тартты

  • жолу 0 кароо

Бүгүн депутаттар Бакытбек Жетигеновдун маселесин да карайт

Башкы прокурор Курманкул Зулушевдин депутаттар Асылбек Жээнбеков менен Төрөбай Зулпукаровду кол тийбестиктен ажыратуу боюнча сунушун кароо боюнча Жогорку Кеңештин комиссиясы көзөмөл жүргүзүүдөн баш тартуу чечимин чыгарды. Бул тууралуу комиссиянын төрагасы Канатбек Исаев парламенттин жыйынында билдирди.

- Кечээ комиссиянын жыйыны болуп, Жетигеновдун жактоочулары катыша алган жок, - деп кошумчалады Исаев. - Бүгүн үчүнчү кесиптештин маселесин карайбыз.

Парламентарий Конституциянын 78-беренесинин 1-бөлүгүн эске салды:

«ЖКнын депутаты өзүнүн депутаттык ишмердүүлүгүнө байланыштуу чыгарган өкүмдөрү үчүн же Жогорку Кеңеште добуш берүүнүн жыйынтыгы боюнча куугунтукка алынышы мүмкүн эмес. Депутатты кылмыш жоопкерчилигине тартууга ал кылмыш болгон жерден кармалган учурларды кошпогондо, парламенттин депутаттарынын жалпы санынын көпчүлүгүнүн макулдугу менен гана жол берилет».

Эске сала кетсек, Асылбек Жээнбеков менен Төрөбай Зулпукаров коррупцияга айыпталып, Бакытбек Жетигенов бийликти күч менен басып алууга даярданган деген шек менен кармалган.

Камактагы депутаттарды кол тийбестиктен ажыратуу боюнча Башкы прокурордун сунушун кароо боюнча депутаттык комиссия түзүлдү.

Бир күн мурун Башкы прокуратура эгер Жогорку Кеңеш Жээнбеков, Зулпукаров жана Жетигеновду кылмыш жоопкерчилигине тартуудан баш тартса, алар камактан чыгарын билдирген. Парламенттин токтомунун негизинде процессуалдык чечим кабыл алынары айтылды.

Медина Купсулдаева
Сүрөт www

Бизди Телеграм каналыбыздан окуңуз
Наверх