Бишкекте жаш бильярдчылар арасында эркин пирамида боюнча чемпионат өттү
Мелдештин жыйынтыгында Нурсултан Таштанбеков 1-орунду ээледи
Бишкектин “PAVO” бильярд клубунда бильярд боюнча олимпиадалык резервдин адистештирилген балдар-өспүрүмдөр мектебинин “Эркин пирамида” оюну боюнча чемпионаты өттү.
Оюнда 2002-жылы туулган жана андан кичүү 22 улан-кыздар күч сынашты.
Сынактын жыйынтыгында 1-орунду Таштанбеков Нурсултан, 2-орунду Төлөнбаев Байдөөлөт, 3-орунду Амираев Азамат жана Огобаев Артур бөлүштү.
Мелдештин уюштуруучусу - Бишкек мэриясынын дене тарбия жана спорт башкармалыгына караштуу бильярд жана велоспорт боюнча спорт мектеби.
Иш-чаранын максаты — спортчулардын чеберчилигин жогорулатуу, эл аралык мелдештерге катышуу үчүн күчтүү спортчуларды аныктоо, ошондой эле спорттун бул түрүн шаардыктар арасында кеңири жайылтуу.
Бишкек шаарынын мэриясы
Бишкек мэриясынын сүрөтү