Алматыдагы нааразылык акциясында 13 укук коргоо кызматкери каза болду
Демонстранттардын колунан 353 коопсуздук кызматкери жараат алды
Алматыдагы баш аламандыктын катышуучулары менен кагылышта Казакстандын 13 укук коргоо кызматкери набыт болду. Бул тууралуу ТАСС казакстандык маалымат каражаттарына таянуу менен билдирди.
Митингчилердин колунан 353 кызматкер жаракат алганы белгиленген.
"Бүгүн эртең менен ок атуучу курал менен куралданган бандиттик топтор Алматыдагы эки ири көп тармактуу клиникалык ооруканаларды курчоого алышты - №1, №7. Террорчулар тез жардам унаасы менен келген бейтаптарды, ошондой эле дарыгерлерди жана медициналык кызматкерлерди ооруканаларга киргизбей жатышат", - деп билдирет ЖМКлар.
Учурда Алматыда антитеррордук операция жүрүп жатат. Казакстандын “Хабар-24” телеканалы республиканын Ички иштер министрлигине шилтеме берүү менен аны ишке ашыруу террористтердин “тирүү калкан катары карапайым элдин артына жашынганы” менен татаалдашканын билдирди.
Телеканалдын маалыматы боюнча, саат 13:00гө карата каза болгондордун биринин денеси кесилген.
"Бул бандиттик түзүмдөрдүн террористтик жана экстремисттик мүнөздө экендигинин далили", - деп билдирди комендатура түз эфирде.
сүрөт www