“Жасалма диплом менен иштеген депутат алдамчы”

Президенттин мамлекеттик кызматкерлердин дипломунун аныктыгын массалык түрдө текшерүү демилгеси туура. Мамлекеттик аппаратты квалификациясы жок кызматкерлерден тазалоого убакыт жетти. Мындай пикирин Vesti.kg сайтына профессор Айнура Арзыматова билдирди.

«Жасалма диплом менен иштеген чиновник же депутат алдамчы», - дейт ал. - Ал эми биздин өлкөдө мындай жарандар мамлекеттик органдарда иштешет, бул бүткүл дүйнө үчүн уят. Мындай кадр саясаты менен мамлекеттин кандай өнүгүшү жөнүндө сөз кылууга болот? Албетте, баарын текшерип, жасалма документ жасагандарды жумуштан кетириш керек.

Айнура Атыгаевна Кыргызстанда билим берүү тармагындагы мыйзамдарды өзгөртүп, колледждерден кийин жалпы республикалык тестирлөөсүз ЖОЖго өтүү эрежесин жоюу зарыл деп эсептейт.

«ЖРТнын жылдарында бул университеттерге студенттерди кабыл алуу үчүн жакшы система экени айкын болду, бул учурда адам менен байланыш минималдуу», - деп түшүндүрдү ал. - Бирок дагы эле бир коррупциялык схема калды – бул колледжден кийин университетке кабыл алуу. Тесттен өтүүнүн кереги жок, абитуриент колледжди аяктагандан кийин дароо университеттин үчүнчү курсуна кабыл алынат. Дал ушундай жагдай депутат Орозай Нарматова менен болгон. Бирок ал жалгыз эмес. Андыктан студенттерди кабыл алуунун мындай системасынан баш тартып, бардыгына тестирлөө жүргүзүү зарыл.

Эске салсак, буга чейин Vesti.kg сайты президент Садыр Жапаров УКМКга бардык мамлекеттик кызматкерлердин дипломдорунун аныктыгын текшерүүнү тапшырганын жазган. Карап чыгуу үч айга созулат. Ал арада Мамкомитеттин белгилешинче, аткаминерлер өзүлөрү жасалма документтерди мойнуна алып, ээлеген кызматынан кетип калышы мүмкүн, антпесе алар кылмыш жоопкерчилигине тартылат.

Сүрөт www