Султанбай Айжигитов: Бийлик, Конституция алмашкандан атайын кызматтын иш ыкмалары өзгөрбөйт
Депутат Адахан Мадумаров Конституциянын өзгөрүшүнө байланыштуу жаңы мыйзам долбоорун иштеп чыгууну сунуштады
Парламенттин жыйынында "Чалгындоо жана контрчалгындоо жөнүндө" мыйзам долбоору биринчи окууда каралууда.
Депутат Адахан Мадумаров Конституциянын өзгөрүшүнө байланыштуу чалгындоо жана контрчалгындоо боюнча жаңы мыйзам долбоорун иштеп чыгууну сунуштады.
Бул мыйзам долбоору 2018-жылы иштелип чыккан. Ошондон бери өкмөт, мамлекеттик түзүлүш, жаңы Конституция өзгөрдү, дейт ал. - Ошондуктан мен Конституциянын өзгөрүшүнө байланыштуу чалгындоо жана контрчалгындоо боюнча жаңы мыйзам долбоорун иштеп чыгууну сунуштайм.
Өз кезегинде эл депутаты Султанбай Айжигитов белгилегендей, мыйзам долбоорунда бийлик жана мамлекеттик түзүлүш алмашканда өзгөрбөй турган атайын кызматтын иш ыкмалары тууралуу айтылат.
«Улуттук коопсуздук органдарында 15 жыл иштеген адам катары бул жөн эле мыйзам долбоору эмес, атайын кызматтын өзгөчөлүгү жана кылдат жактары бар экенин белгилегим келет», - деп түшүндүрдү ал. - Чалгындоо жана контрчалгындоо тармагында иштөө ыкмалары конституциялык түзүлүштөн көз каранды эмес. Методдор эмес, максат коюу гана өзгөрүшү мүмкүн. Бул мыйзам долбоору улуттук коопсуздук органдарынын иш ыкмаларына байланыштуу.
Ислам Жолдошов
Сүрөт www