Данияр Амангелдиев: Кыргызстанда экономиканын реалдуу өсүү темпи 103,6% түздү

Өткөн жылдагы социалдык-экономикалык өнүгүүнүн натыйжалары өсүштүн оң темптерин көрсөтүп турат, бул тейлөө чөйрөсүнүн жана өнөр жай тармактарынын өсүү темптеринин жогорулашы менен камсыз кылынат. Бул тууралуу Экономика жана соода министрлигинин басма сөз кызматы билдирди.
 
— 2021-жылдын январь-декабрь айларында ички дүң продукциянын көлөмү 723,1 млрд сомду түзүп, реалдуу өсүү темпи 103,6%ды түздү. Кумтөр кенин иштетүү боюнча ишканаларды эсепке албаганда өсүү темпи 103,9%ды түздү, деп билдирди башкармалыктын башчысы Данияр Амангелдиев. — ИДПнын дефлятору 116 пайыз деңгээлинде болду.

Мындан тышкары, ал экономиканын тармактары боюнча көрсөткүчтөр төмөнкүдөй болгонун маалымдады: айыл чарбасында өндүрүштүн көлөмү 5%га, курулушта 4,8%га төмөндөгөн, ал эми өнөр жайда өсүү темпи 7,2%га жана тейлөө тармагында 6, беш пайызга өскөн.

Экономикада пайда болгон тенденциялардын эсебинен номиналдык ИДПнын түзүмүндө товарларды өндүрүүчү тармактардын үлүшү 41,4%ды, кызмат көрсөтүүчү тармактардын үлүшү 45,2%ды түздү.
 
Экономика министрлигинин басма сөз кызматы
Сүрөт www