Мирлан Ураимов: Менин багытым боюнча кысым болгонуна карабай, чындыкты жаза берем!

Жакында, ушул жылдын 9-мартында Бишкек шаардык соту активист, “Бүтүн Кыргызстан” партиясынын мүчөсү Мирлан Ураимовдун баш коргоо чарасын өзгөрткөн. Февраль айынын башында анын үйүндө тинтүү иштери жүргүзүлүп, андан соң Ураимов бийликти күч менен басып алууга чакырык жасап, социалдык тармактарга комментарий бергени үчүн УКМКнын СИЗОсуна киргизилген.

Акыркы убакта жалаң гана жалкоолор журналисттерге, активисттерге кысым көрсөтүү тууралуу сөз кылбайт. Бийликке сын айтууга батынган ар бир жаран гипотетикалык түрдө жоопко тартылышы мүмкүн. Тартип сакчыларынын мындай аракеттери коомчулуктун жана укук коргоочулардын кыжырын келтирүүдө.

Vesti.kg сайтынын редакциясы Мирлан Ураимов менен чакан маек куруп, анын кармалышы боюнча кандай ойдо экенин, анын Фейсбуктагы аккаунтунун чоо-жайын билип, учурдагы активисттердин ролу тууралуу айтып беришти.

- Мирлан, үстүбүздөгү жылдын февраль айында Фейсбукка жазган пикириңиз үчүн жоопко тартылгансыз. Аккаунтуңузду белгисиз адамдар бузуп жатканы тууралуу маалымат ишенимдүүбү?

- Фейсбуктагы аккаунтумду ким бузуп, менин атымдан ким комментарий жазганы азырынча мага түшүнүксүз. Сентябрь-октябрь айларында хакердик чабуул болгонун жазгам. Менин баракчамды кыйын адамдар басып алганын так билем. Андан сырткары менин WhatsAppымды бузуп, телефонума белгисиз адамдар кирип кетишкен. Чындыгында бийликти активдүү сындаганга жол берген “Бүтүн Кыргызстандын” жигиттеринин көбүнүн телефондору хакерликке кириптер болгон. Анын үстүнө уюлдук оператордун колдоо кызматына кайрылдым, алар менин жүйөлөрүмдү тастыкташты. Анан үстүбүздөгү жылдын январь айында менин баракчамда түн ичинде өзүмдүн басылмамдын астына бийликти кулатууга чакырыктар жазылган комментарийлер калтырылган. Буга чейин бийликти сындаган комментарийге  лайк баскам. Бирок эч кандай чакырык болгон эмес.

-Сизди СИЗОго камай турганын билген күнү кандай сезимде болдуңуз?

- Билесиңби, мен аябай шок болдум. Комментарийлер үчүн кармалганымды түшүнүү акылга сыйбаган нерсе. Кыргызстандагы социалдык түйүндөрдүн колдонуучуларын талдап көрсөңүз, миңдеген мындай пикирлерге туш болот.

- Муну оппозициячыл саясатчы Адахан Мадумаровду активдүү колдоп жатканыңыз менен байланыштырасызбы?

- Мүмкүн. Адахан Кимсанбаевичке байланыштуу бир топ кызык жагдай түзүлдү: мен сот болуп жаткан күнү Жогорку Кеңеште Мадумаровду кол тийбестик макамынан ажыратуу боюнча башкы прокурордун сунушу каралды. Ошентип, бир нече жолу катары менен. Андай кокустуктар болбойт, убакыттын өтүшү менен баары дал келген.

-СИЗОдо кандай мамилеге туш болдуңуз?

- Мен ал жерде укук бузууга кабылдым деп айтпайм. Бул көбүнчө камакта отурган адамдардын өзүнөн көз каранды. Мен дээрлик кемчиликсиз алып жүрдүм. Эртеден кечке бош отура албасымды эске алып, ишембилик уюштурууну сурандым. Бирок андан баш тартышты. Эч нерсе кылбай эле  отуруу меники эмес.

- Бийлик азыр активисттерге, маалымат каражаттарына басым жасап жатат деген коомчулукта айтылып жаткан пикирлерге кошуласызбы?

Ооба, мен муну кабыл алынгыс деп эсептейм. Мындай ыкмаларды колдонууга катуу тыюу салынат. Активисттердин арасында бир топ компетенттүү адамдар бар: юристтер, журналисттер жана башка кесипкөйлөр кандайдыр бир себептерден улам чыгып жатышат. Активисттерсиз мамлекет анча алыска барбайт. Элге альтернативалуу маалымат керек. Алар саясий курч темаларды козгоп, шаардыктарга өз позициясын түзүүгө жардам беришет.

- Сизге карата коркутуулар болдубу?

- Мага тааныштар аркылуу көп кайрылчу. Мен камалганга чейин алар мени күнүгө аңдып, кайда жүргөнүмдү, ким менен, эмне менен тамактанганымды билишчү.

-Сиздин буга чейин тергөө абагында отурган кылмыш иши боюнча айыпталуучу экениңизди эске алсак, акырындап, балким, бийликти азыраак сындаганды ойлодуңуз беле?

- Жок. Бийлик тараптан адилетсиз иш-аракеттерди көрүп калсам, бул тууралуу айтып, чындыкты жаза берем. Биз бир нече жылдан бери иштеп келебиз, кайрымдуулук акцияларын өткөрүп жатабыз, айлана-чөйрөнү коргоо менен алектенебиз жана мунун дээрлик бардыгын жарнамалабайбыз. Активдүүлүк пайдалуу болушу мүмкүн.

Маектешкен: Элдос Казыбеков
Сүрөт www