Адамзаттын Жердин орбитасындагы рекорду жаңыланды

Адамдардын Жердин орбитасына бир убакта чыккан саны боюнча рекорд коюлду. РИА Новости кытайлык "Шэньчжоу-16" учкандан кийин аалам мейкиндигинде учуп жүргөн кишинин саны 17ге жеткенин билдирди.

Буга чейинки рекорд 2021-жылы 16-сентябрда коюлган. Анда орбитадан бир эле учурда 14 кишини жолуктурууга болот эле. Тагыраагы, МКСтеги жетөө (эки россиялык, үч америкалык, бирден француз жана япон болчу), кытайлык Шэньчжоу-12нин" үч космонавты жана менчик Crew Dragon аба кемеси менен келген төрт америкалык орбитада болчу. Мурдагы рекорд 1995-жылы коюлганы маалым. Анда орбитада бир учурда 13 киши — россиялык "Мирдегилер" менен америкалык "Индевор" шаттлындагылар болгон.

Соңку рекордду жаратууга "Шэньчжоу-16нын" учушу себеп болду. Анын экипажы кытайлык үч космонавттан туруп, "Тяньгун" орбиталык станциясына (учурда ичинде кытайлык үч адис иш алып барууда) багыт алган.

Учурда МКСте баш-аягы 11 киши бар. Алар — россиялык "Союз МС-23түн" экипажы, америкалык Crew Dragon жана Axiom Space AX-2 жеке компаниясынын миссиясы.

Россиялык космос кемесинде орустар Сергей Прокопьев менен Дмитрий Петелин, андан сырткары, америкалык Фрэнк Рубио жүрөт. Ал эми Crew-6 миссиясына америкалык астронавттар Стивен Боуэн жана Вуди Хобург, россиялык космонавт Андрей Федяев менен Бириккен Араб Эмирлигинин жараны, астронавт Султан Аль-Нейади кирген. Жеке миссияны космостук учуулардын ардагери, НАСАнын экс-астронавты Пегги Уитсон жетектейт. Аны менен бирге автожарышка түшүп жүргөн адис жана ишкер Жон Шоффнер учкан. Мындан сырткары, бул курамда 40 жылдан бери биринчи ирет Сауд Арабиясынан чыккан астронавттар Али аль-Карни жана тарыхта биринчи жолу кездешип жаткан арабиялык аял космонавт Райана Барнауи бар.
Бул рекорд көпкө кармалып турбайт, себеби МКСке келген AX-2 миссиясы, эгерде жаратылыш шарттары тоскоолдук жаратпаса, бүгүн Жерге кайтып келиши күтүлүүдө.

Фото www