Кара-Сууда ири өрт кырсыгы катталды
Турак жай жана төрт кампа күйүп кеткен
Кара-Сууда ири өрт кырсыгы катталып, турак жай жана төрт кампа күйгөн. Бул тууралуу Өзгөчө кырдаалдар министрлигинен билдиришти.
Маалыматка ылайык, кечээ, 28-майда саат 13:58 чамасында Ош облусундагы Кара-Суу шаарынын Ленин көчөсүндө жайгашкан турак үйдөн өрт чыккан.
Өрттүн кесепетинен турак үй жана 4 картон сактоочу кампа толугу менен күйгөн. Өрттүн жалпы аянты 1044 чарчы метрди түзөт.
Тилсиз жоону өчүрүүгө ӨКМден 3 бөлүм, ыкчам топ, суу ташуучу унаа, 20 милиция кызматкери, шаардык мэриядан 4 кызматкер тарылган.
Тартылган күчтөрдүн жардамында өрт саат 15:05те чектөөгө алынып, саат 20:43тө толугу менен өчүрүлгөн.
Кырсыктын кесепетинен жабыркагандар жок.
Фото www
Бизди Телеграм каналыбыздан окуңуз