Акылбек Жапаров Билим берүү жана илим министрлигинин жамаатына министрдин милдетин аткаруучу Догдуркул Кендирбаеваны тааныштырды
Президент жаңы министрдин алдына абдан маанилүү жана зарыл милдеттерди белгиледи
Кыргыз Республикасынын министрлер кабинетинин төрагасы Акылбек Жапаров Билим берүү жана илим министрлигинин жамаатына жаңы министрдин милдетин аткаруучу Догдуркүл Кендирбаеваны тааныштырды. Бул тууралуу министрлер кабинетинин басма сөз кызматы билдирди.
Минкаб төрагасы билим берүү тармагында масштабдуу реформалар жүргүзүлүп жатканын белгилеп, жаңы министр ал реформаларды ишке ашыруу үчүн бардык күч-аракетин жумшаарына ишеним артаарын билдирди.
“Азиз Абакировдун — биздин жигиттер Кыргызстанда туруп, бүткүл дүйнө боюнча иштеше алат деген сөзү бул жерде орундуу. Биздин милдет бул үчүн шарт түзүү. Президент Догдуркүл Кендирбаеванын алдына жаңы министрдин командасы жакынкы аралыкта ишке ашырууга тийиш болгон абдан маанилүү жана зарыл милдеттерди белгиледи”, — деген Акылбек Жапаров, жаңы министрдин милдетин аткаруучуга ийгилик жана эмгекчилдик каалады.
Министрлер кабинетинин басма сөз кызматы
Окшош макалалар
- Акылбек Жапаров Гамбург шаарынын биринчи мэри Петер Ченчер менен жолугушту
- Акылбек Жапаров АКА-Банктын башкаруучу директору Марк Венчик менен жолугушту
- Тажикстан Республикасынын президенти Эмомали Рахмон Кыргыз Республикасына келди
- Түркмөнстандын президенти Сердар Бердымухамедов Кыргызстанга келди
- Кыргызстанга Азербайжандын президенти Илхам Алиев келди