Азия оюндары: Айсулуу Тыныбекова коло байге үчүн күрөшөт
Ал чейрек финалда Япониялык Нонока Озаки менен күч сынашып, 3:1 эсебинде жеңилип калды
Кыз-келиндер күрөшү боюнча улуттук курама команданын мүчөсү Айсулуу Тыныбекова Ханчжоу шаарында өтүп жаткан Азия оюндарында коло медаль үчүн күч сынашат. Бул тууралуу спорт департаментинин пресс-катчысы Айгерим Турдалиева билдирди.
Айсулуу Тыныбекова 62 кг салмакта күрөшүп, 1/8 финалдан баштаган. Алгач Таиланддык спортчу менен беттешип 14 секунд ичинде атаандашын жеңген.
Ал эми чейрек финалда Япониялык Нонока Озаки менен күч сынашып, 3:1 эсебинде жеңилди.
Кийин Озаки финалга өткөндүгүнө байланыштуу спортчу жубатуучу беттеште Вьетнамдык атаандашын 10:0 эсебинде жеңип, коло байге үчүн беттешке чыгат.
Белгилей кетсек, финалда Айсулуу Тыныбекова казак балбаны Ирина Кузнецова менен күч сынашат.
Фото www