«Элге бооруң ооруйт». «Дзержинкадагы» китеп текчелерин талкалап, китептерин уурдап кетишти (сүрөт)
- 78 жолу кароо
Шаардык китеп сүйүүчүлөргө орнотулган инсталляцияны мэрия кайра оңдобойт
Эркиндик бульварындагы жергиликтүү активисттер тарабынан атайын орнотулган китеп текчелердин абалы азыр зээн кейитерлик. Бул тууралуу социалдык тармактарда шаар тургуну Александр Казанцев билдирди.
Анын айтымында, ал «Окуган Эркиндик» долбооруна өз салымын кошуу үчүн үйүнөн жүздөй китеп алып барган.
«Жекшемби күнү бульварга барып, китептерди текчелерге коелук дегенбиз. Биз ал жерде ал жерде туш болгон көрүнүштү сүрөттөрдөн көрсөңөр болот. Бардыгы талкаланган. Кечээ болсо (дүйшөмбүдө) ал жерде сейилдеп жүрүп, кутуларда бир дагы китеп калбаганына күбө болдум! Бардыгын талап кетишиптир! Бирөө да калган эмес, алардын ордуна эч ким бир дагы китеп салып койбоптур! Китептерди эмес, элди аяйсың», деп ал өз билдирүүсүндө жазган.
Казанцев жарыялаган сүрөттөрдөн текчелердин айнектери сынып, кээ бирлери чымчыктын уясы катары колдонулуп жатканын көрүүгө болот.
Шаардык мэрия ал арада Vesti.kg сайтына инсталляцияны оңдоп-түзөбөй турганын билдирди.
- Алар активисттер тарабынан орнотулган жана шаардык мекемелердин балансында эмес, - деп муниципалитетте билдишти.
Эскерте кетсек, «Окуган Эркиндик» долбоору 2017-жылдын май айында иштей баштаган. Авторлордун ою боюнча китептерди каалаган адам алып, аны окуп бүткөн соң кайра ордуна коюп коймок.
Зулайка Эркимбаева
Фото www
Окшош макалалар
- Ош шаарынын тургундарын жергиликтүү мейманканын «обу жок» англисче аты кыжырдантты (сүрөт)
- Туризм департаменти кыргызстандыктарды көчө белгилери үчүн акча чогултууну сунуштоодо
- Кыргызстанда алкоголдук компаниялардын логотиптери бар кепка жана футболкаларды таратууга тыюу салынышы мүмкүн
- КРнын гимниндеги ката. Кыргыз билим берүү академиясынын жообу
- Кыргызстанда уюшкан кылмыштуу топтун мүчөлөрү ИИМнин каттоосунан кантип алынат?