Эки миңден ашык бишкектиктер коомдук жайларда тамеки тарткандыгы үчүн айыпка жыгылды
Мындан түшкөн акча каражаты 2 миллион сомдон ашты
Үч ай аралыгында коомдук жайларда тамеки тарткан бишкектирге 2 222 000 сом айып пул салынган. Бул тууралуу борбор калаанын ИИБнин басма сөз адиси Улан Жумаков Vesti.kg сайтына билдирди.
- 4-марттан азыркы күнгө чейин 2 222 жаранга айып пул салынган, - деп милицияда билдиришти.
Эскерте кетсек, 2019-жылдын январь айында Кыргызстанда Тартип бузуулар жөнүндө жаңы кодекс ишке кирип, анда коомдук жайларда тамеки тартуу, түкүрүү ж.б үчүн 5 500 сом өлчөмүндөгү айып пул каралган.
Бирок, административдик жазанын суммасы жарандардын нааразычылыгын туудуруп, буга байланыштуу үстүбүздөгү жылдын 4-мартында өкмөт тарабынан мыйзамга өзгөртүүлөрдү киргизүү чечими кабыл алынган.
Эми жогоруда айтылган тартип бузуулар үчүн милиция кызматкерлери 1 миң сом өлчөмүндөгү айып пул салышууда.
Зулайка Эркимбаева
Фото www
Окшош макалалар
- УКМК: Опузалап акча талап кылган кылмыштуу топтун мүчөлөрү кармалды (фото)
- Ала-Арча паркы эки күнгө жабык болот
- Быйыл Кыргызстанга 10 миллионго жакын туристтердин келиши күтүлүүдө
- Дагы бир талапкер добуш сатып алууга шектелүүдө – УКМК
- Депутаттар ЖМКны жабууну татаалдаштырган мыйзам долбоорун четке какты